M3 ITALETA MABADILIKO KWA WATANZANIA-NGELEJA

Nia ya kuwania nafasi ya uraisi imezidi kuendelea ambapo leo Aliyekuwa waziri nishati na madini wa awamu ya nne Mh William Ngeleja ametangaza nia ya kuwania nafasi uraisi katika Uchaguzi mkuu wa Mwaka huu.

                                                       Mheshimiwa William Ngeleja

Akitangaza nia yake mbele ya waandishi wa habari na wanachama wa Chama Cha Mapinduzi katika ukumbi wa Benki kuu ya Tanzania,Jijini Mwanza Mheshimiwa Ngeleja amesema kuwa dhamira kweli aliyonayo ni kupambana na umasikini, ujinga, maradhi, rushwa, ufisadi, na mmomonyoko wa maadili ndani ya nchi.

Ngeleja ametaja sifa za raisi ambaye watanzania wanataka atakayepambana na maadui wakubwa wa nchi ambao ni rushwa, umasikini, ujinga, maradhi, ufisadi na mmomonyoko wa maadili pia atakaye simamia kwa dhati umoja na mshikamano wa Taifa,muungano na kuilinda amani ya nchi,kukemea kwa nguvu ubaguzi wa rangi,dini, na kikabila, Kuimarisha usalama na ulinzi wa nchi.

Ambapo amesema kuwa shauku yake kubwa katika uongozi wake atakaopewa na watanzania ni kuwakomboa wakulima, wavuvi, wafugaji, wachimbaji, wadogo wa madini, wajasiriamali, wasanii na wanamichezo n.k ambao ndio kundi zima la wananchi masikini.

Ili kulinda mafanikio ya nchi  yaliyopo na yatakayoachwa na awamu iliyopita inapaswa kuzilinda na kuzisimamia rasilimali zilizopo sasa kwa manufaa ya watanzania na kuzikabili changamoto zilizopo na zijazo Tanzania inahitaji uongozi makini imara unaohimili misukosuko mitihani na majaribu ya kila aina.

Amewaambia watanzania kuwa amejiandaa kwa moyo wote kupokea majukumu atakayoachiwa na raisi aliyepo madarakani kwa sasa Dokta Jakaya Mrisho Kikwete kwa kuwa amejipima na kuona  anafaa kuwatumikia na kuwaongoza watanzania katika ngazi ya uraisi wa Jamhuri ya Muungano wa Tanzania.

Mh William Ngeleja amekuwa kiongozi wa 12 kutoka Chama Cha Mapinduzi kutangaza nia ya kugombea nafasi ya urais.

Via Star TV/Yohana Emmanuel