Ajali Ya Basi Yaua Watu Huko Mkoani Kagera

Watu wanne wafariki dunia  hapohapo  na wengine kujeruhiwa mara baada ya basi la Sabuni Express linalofanya safari zake kutoka wilayani Karagwe kwenda Mwanza jijini kugongana uso kwa uso na gari ndogo aina ya Land crusezer iliyokuwa ikiwasafirisha mapadri kutoka  Bukoba kuelekea Karagwe katika eneo la Bugorola wilayan Misenyi.

Ajali hiyo imetokea majira saa mbili asubuhi katika eneo la Bugorola wilayani Misenyi ambapo baadhi mashuhuda wa ajali hiyo wamesema ajali hiyo imetokea wakati Dereva wa gari ndogo aina ya Landcruser alipokuwa akijaribu kulipita lori lililokuwa mbele yake na kisha kukutana uso kwa uso na basi la Sabuni Express lililokuwa na Abiria wapatao arobani na tano na kusabisha vifo vya watu wanne  ambao ni mapadri wawili,Sister mmoja na mseminalisti mmoja wote walikuwa wakisafiri na gari hiyo kuelekea Karagwe. 

 

Wakizungumza baadhi ya abiria waliokuwa wakisafiri na basi hilo wamsema dereva wa basi alikuwa katika mwendo wa kawaida kutokana ukungu ulikuwa kuwa umetenda barabarani.

 

Kwa upande wake katibu wa hospitali ya rufaa ya mkoa wa Kagera Kiiza Kilwanila amesema wamepokea maiti nne pamoja na majeruhi kadhaa ambao sasa halizao zinaendelea vizuri.

 

Mwandishi wa habari hii amefika katika kituo cha polisi mkoani Kagera kwa ajili  ya kuthibitisha tukio hilo kwa kamanda wa jeshi ambapo hakuweza kumkuta  na kujaribu kumtafuta kwa njia ya simu hakuweza kupatikana.