Mtanzania Jennifer Shigoli ashinda tuzo ya ‘African Entreprenureship Award 2016’

na YOHANA EMMANUEL

Mtanzania Jennifer Shigoli ambaye ni Mkurugenzi wa kampuni ya Malkia Investments amefanikiwa kushinda tuzo ya ujasiriamali ya ‘African Entreprenureship Award 2016’ kwenye kipengele cha elimu.

Washiriki 11 kati ya 37 wamefanikiwa kushinda tuzo hizo ambazo zimetolewa nchini Morocco wiki hii. Mshindi wa kwanza kwenye tuzo hizo hupata zawadi ya kiasi cha dola 150,000 na mshindi wa pili hupata dola 100,000 huku waliopata tuzo ya kujitolea hupewa kiasi cha dola 50,000.

Washindi wa kwanza:

Mahmud Johnson (Liberia)
Jennifer Shigoli (Tanzania)
Adbeladim Moumen (Morocco)

Walioshika nafasi ya pili:

Ernie Aylward (Afrika Kusini)
Adelu Abideen (Nigeria)
Joyce Kyalema (Uganda)

Tuzo kwa waliojitolea:

Frederico Peres da Silva (Msumbiji)
Achiri Nji (Cameroon)
Benti Gelalcha (Ethiopia)
Sanni Murtala (Nigeria)
Omar Kadiri (Morocco)