Bushoke: Mwaka huu nataka niwe mfugaji na mkulima

Msanii mkongwe katika muziki wa Bongo Flava, Ruta Bushoke amefunguka ni mipango gani ambayo yeye binafsi amejipangia kwa mwaka huu wa 2017.

Bushoke amesema mwaka huu amejipanga zaidi katika kazi zake za muziki na kujikita kwenye biashara ya kilimo na ufugaji kwani hiyo ilikuwa ni ndoto yake ya muda mrefu lakini time hii ameamua kuichukulia serious.

“Nimepanga niwe mkulima na mfugaji ambaye mwisho wa siku naweza kujivunia pia part nyingine ya kazi ambayo naifanya,” amesema. “Nataka niwe mkulima na mfugaji, 2017 nataka mwaka niwe hivyo Mungu anipe tu uzima,” ameongeza.

Kuhusu muziki, muimbaji huyo amesema, “2017 nataka niwape mashabiki wangu muziki mzuri, najua wamemiss sana kusikia kazi zangu kama sasa hivi nina kazi ambayo inafanya vizuri ambayo nimemshirikisha Maua Sama inaitwa ‘Tupendane Sasa’ na bado kuna kazi nzuri nimeshafanya watazisikia.”