DOKT.EMMANUEL NCHIMBI ATEMA JIMBO LA SONGEA

Mbunge wa Songea Dk. Emmanuel Nchimbi katika moja ya mikutano ya kisiasa.

Mbunge wa jimbo Songea mjini mkoani Ruvuma  Dkt. Emmanuel Nchimbi ametangaza rasmi kutogombea tena ubunge katika jimbo hilo.

Aidha, Nchimbi aliyelitumikia jimbo hilo kwa miaka 10 alikutana na wanachama wa chama cha mapinduzi Katika uwanja  wa majimaji mjini Songea pamoja na kuelezea mafanikio mbalimbali ya maendeleo aliyoyafanya katika jimbo hilo ikiwemo ujenzi wa barabara, zahanati na shule za sekondari lakini pia akatumia nafasi hiyo kutangaza rasmi kutogombea tena ubunge katika jimbo la songea mjini.

Kufuatia tamko hilo hali ya simanzi  ilizuka   kwa baadhi ya wananchi na wanachama wa CCM  Songea huku wengine wakiangua kilio.

Wakizungumzia uamuzi huo baadhi ya wananchi katika jimbo hilo wamepingana na uamuzi huo huku wakimuomba  mbunge huyo kubadili msimamo wake hata hivyo amesema ameahidi  wananchi kwenda kulifikiria suala hilo.