SERIKALI IMEPEWA SIKU 5 ZA KUTOA MAAMUZI JUU YA WANAFUNZI WALIOKOSA MIKOPO BILA HIVYO HIKI NDIO KITAKACHOTOKEA

Serikali imetakiwa kutoa tamko ambalo litakuwa ni hatma kwa wanafunzi wa vyuo vikuu waliokosa mkopo kutokana na sababu mbalimbali.

Hayo yamesemwa na Mkurugenzi wa Idara ya Haki wa Mtandao wa wanafunzi Tanzania Bw. Abdul Omary Nondo alipokuwa akiongea na waandishi wa habari mapema leo jijini Dar es salaam.

Mkurugenzi huyo aliendelea kwa kusema kuwa wanafunzi waliotakiwa kupatiwa mikopo ni 61 elfu na badala yake wamepatiwa 30 elfu peke yake na katika hao walioachwa kuna yatima na wengine wasio na uwezo wa kumudu gharama hizo zote.